常見問題

點樣落單？

加入購物車 → 填姓名電話同收貨方式 → 撳「落單（WhatsApp）」。系統會開一個已經填好貨品同金額嘅 WhatsApp 訊息，你直接寄出就得。我哋覆你確認之後才需要付款。

為咩要用 WhatsApp？唔可以網上直接付款？

我哋係小型手作店，想用最快最少手續嘅方式做。WhatsApp 落單有真人覆你，之後會加信用卡付款。

牌係咩尺寸同物料？

雙面印刷 85 × 40mm，3mm 亞加力膠，UV 直噴，摺埋企喺枱面。

可以訂製自己嘅句子嗎？

需要訂製 20 件或以上才可以自訂句子，WhatsApp 我哋講你想要嘅字，我哋會報價同畀你睇稿。訂製款需要多幾日。

運費幾錢？幾時到？

標準運費 HK$30，滿 HK$150 免運。確認付款後 3–5 個工作天內寄出。

買多件有平啲嗎？

2 件或以上九折，購物車會自動扣，唔使輸入優惠碼。折完之後夠 HK$150 一樣免運費。

可以退換嗎？

所有貨品出門恕不退換。

可以收藏鍾意嘅款，遲啲再買嗎？

撳產品格仔右上角個心心就會擺入心願單，只係存喺你自己部機。想人哋送禮唔撞款？喺心願單撳「WhatsApp 分享心願單」，佢一開條 link 就見到你想要邊幾款。

公司想買一批送客送同事，有折嗎？

20 件以上有批量價，可以夾埋公司 logo。WhatsApp 我哋講數量同用途，我哋報價。