關於枱面有嘢講

我哋做嘅係一件好細嘅嘢：一塊 85 × 40mm 嘅亞加力牌， 放喺你枱面，講出你今日唔想開口講嘅嘢。

由「開會討論幾時開會」到「身在公司心已放假」—— 全部設計都係由真實辦公室對話嚟嘅。現時有 18 款，仲會繼續加。

每塊牌都係香港印製、香港手工組裝。3mm 亞加力膠，UV 直噴， 企得穩、唔會爆邊、擺三年都唔會變黃。

做落做落發現，客人問得最多嘅唔止塊牌 —— 係「你枱面嗰枝筆／個座喺邊度買」。 所以我哋亦開始入返啲自己用開嘅辦公小物。標準得一個： 擺得埋喺同一張枱都唔會突兀。